Dydd 1 (Mai 31) - Mae'r gwaith gan y peiriant cloddio wedi cychwyn gyda'r tywydd yn glir ac yn heulog. Rydym wedi penderfynu edrych eto ar ben Deuol y llwybr pren i ymchwilio ei berthynas a'r olion diwydiannol a gafodd eu darganfod ym Mehefin 2004. Ar ol cael gwared a'r pridd, mae'r ffos newydd hon (Ffos 6) wedi ymddangos mannau mawr o losgi a sbwriel. Mae ymchwil o'r sbwriel hwn wedi dangos lefel uchel o blwm sydd yn awgrymu ei fod wedi dod o waith toddi plwm. Mae'r dyddiadau radio-carbon yn awgrymu dyddiad Rhufeinig.

Dydd 2 (Mehefin 1) – Mae'r tywydd wedi gwaethygu. Mae'r myfyrwyr o Birmingham yn treulio eu diwrnod cyntaf ar y safle yn y glaw neu yn cysgodu wrth y glaw! Beth bynnag mae dilyniant da yn cael ei wneud ac mae'r ffos gloddio yn dechrau ymffurfio.

Dydd 4 (Mehefin 3) - Mae gwaith yn dechrau ar wneud cynllun o'r ffos cyn cloddio. Rydym yn awyddus i gofnodi a symud y llwybr coed cyn gynted ac sy'n bosib fel y gallwn archwilio'r olion diwydiannol sy'n yn gorwedd isod.

Dydd 5 (Mehefin 6) – Rydym hefyd yn dechrau gwaith ar gyfres o gloddiadau bach arbrofol yn y cae drws nesaf, lle credwn fod llwyfannau ar gyfer i ffwrnesau toddi metel. Mae ein cymdogion yn dangos llawer o ddiddordeb!

Dydd 8 (Mehefin 9fed) - Mae arwyneb y llwybr yn Ffos 6 nawr wedi ei lanhau a'i gofnodi. Mae wedi ei gadw yn dda iawn yn y rhan yma ac mae'n ymddangos ei fod wedi ei adeiladu o ganghenau wedi ei hollti yn ddau gyda'r ochrau gwastad i lawr. Rydym yn ddrwgdybio fod y rhan fwyaf o'r prennau naill ai yn wern neu yn dderw. Mae'r rhisgl dal i fod yn weladwy ar wyneb uchaf y prennau unigol. Awgrymir y diffyg traul a'r wyneb garw mai nid hwn oedd arwyneb cerdded gwreiddiol y llwybr. Sylwyd yn y fan yma ac mewn mannau eraill fod y prennau wedi eu gorchuddio a graean sy'n awgrymu roedd yr arwyneb cerdded gwirioneddol yn lwybr graean ac nid yn droedffordd estyll. Mae'n edrych fel pe bai bwriad y fframwaith pren oedd atal y graean rhag suddo i mewn i'r gorstir - 'ffordd arnawf' mewn gwirionedd.

Dydd 9 (Mehefin 10fed) - Nid ydym erbyn hyn wedi dod o hyd i union lleoliadau y ffwrneisiau toddi metel. Er hynny, rydym wedi darganfod llawer mwy o ddarnau man o leinin y ffwrnais llosg. Mae'r gwaelodion diwydiannol hefyd yn ddwfn iawn mewn nifer o'r Cloddiadau Arbrofol. Cafwyd mwy o ymweliadau gan ysgolion - y tro yma gan ysgol Craig yr Wylfa, Y Borth ac ysgol Talybont.

Dydd 10 (Mehefin 11eg) - Cawsom Ddiwrnod Agored llwyddiannus dros ben gyda thros cant o ymwelwyr yn cael taith tywysedig o'r cloddiad. Roedd yr ymwelwyr yn cynnwys cynghorwyr lleol ac aelodau o'r Clwb Archaeolegwyr Ifanc lleol.

Dydd 11 (Mehefin 13eg) - cafodd y rhan fwyaf o'r diwrnod ei wario yn cofnodi a chodi prennau o'r brif ffos a chasglu enghreifftiau amgylcheddol. Cynorthwywyd gan arbenigwyr o Brifysgol Llanbedr-Pont-Steffan yn cynnwys Nigel Nayling ac Astrid Caseldine.

Dydd 12 (Mehefin 14eg) - Mae mwyafrif o'r droedffordd nawr wedi cael ei godi a gwariwyd y bore yn clanhau y gwaelodion diwydiannol islaw ar gyfer lluniau cyffredinol. Dechreuwyd y gwaith cloddio ar y gwaelodion yma yn y prynhawn. Yn y cyfamser fe ddaeth yr arbenigwyr o Brifysgol Llanbedr-Pont-Steffan yn ol i'r safle i gymryd nifer o greiddiau o'r mawn nesaf at y droedffordd. Maent yn gobeithio defnyddio'r paill o'r creiddiau yma i siartio y newid yn y tirlun a'r tyfiant dros amser.

Dydd 13 (Mehefin 15ed) - O'r diwedd mae gennym rhywfaint o dystiolaeth am wir safle y ffwrnais toddi metel. Roedd wedi ei lleoli yn un o'r Pyllau Arbrofol ac amlygir yn ffyrnigrwydd y llosgiad o'r pridd o gwmpas. Cynhyrchodd y Pwll Arbrofol yma hefyd maint helaeth o leinin ffwrnais. Yn y cyfamser, roedd gwaith archwilio yn parhau ar y gwaelodion diwydiannol o dan y droedffordd pren.

Mae canlyniadau'r cloddiad wedi bod yn foddhaol dros ben. Rydym nawr wedi egluro natur y weithgaredd diwydiannol. Mae'n edrych yn debyg o hyd fod y safle yn cynrychioli toddi metel plwm yn dyddiadu i gyfnod y Rhufeiniaid. Fe fydd angen gwneud gwaith dyddiadu pellach a dadansoddiadau eraill ar yr holl samplau a gasglwyd er mwyn cadarnhau'r dehongliad yma. Mae'r Pyllau Arbrofol nawr hefyd wedi dangos maint y safle ac mae'n llawer mwy na'n hamcan gwreiddiol. Mae'n rhedeg am o leiaf 200m ar hyd ymyl y gors ac mae o leiaf 50m mewn lled.

Rydyn ni hefyd wedi casglu gwybodaeth newydd am natur y droedffordd ddiweddarach. Mae'n edrych yn degyb nawr fod yr elfennau pren wedi rhoi sylfaen i'r llwybr graean i'w hatal rhag suddo i mewn i'r gors.

Gan ein bod ni nawr wedi darganfod lleoliad tebygol y ffwrnais, rydym yn awyddus nawr i edrych ar y prydwedd yma yn fwy manwl. Gobeithio y byddwn yn medru codi arian i ymgymryd a thymor arall o waith blwyddyn nesaf. Yn y cyfamser, hoffem ddiolch i Brifysgol Birmingham a Chadw am eu cyfraniad ariannol am eleni a diolch yn arbennig yr holl staff yng Nghambria a Llanbedr-Pont-Steffan, myfyrwyr Birmingham a'r gwirfoddolwyr eraill am wneud y gwaith tymor yma mor llwyddiannus.